मिति २०७७ माघ ३० गते आयोजित वृहत नागरिक आन्दोलनको महिला मार्चमा सम्मिलित अभियन्ता, कवि र महिलाहरुको आवाजलाई लिएर सामाजिक सञ्जालहरुमा घृणात्मक सन्देश फैलाउने, ट्रोलिङ्ग र अनलाईन दुर्व्यहार भएपछि सो अभियान्ता र बडी एण्ड डाटाले मिलेर ऐक्यबद्धताका लागि पत्र निकालेका थिए । यस पत्रमा ४६६ जना मानिसहरुले आफ्नो ऐक्यबद्धता जनाए ।


ऐक्यबद्धताका
 लागि आग्रह

 

मिति २०७७ माघ ३० गते आयोजित वृहत नागरिक आन्दोलनको महिला मार्चमा सम्मिलित अभियन्ता, कवि र महिलाहरुको आवाजलाई लिएर सामाजिक सञ्जालहरुमा घृणात्मक सन्देश फैलाउने, ट्रोलिङ्ग र अनलाईन दुर्व्यहार गर्नुका साथै कथित हिन्दुवादी शक्तिबाट व्यक्तिगत रुपमै ज्यान मार्ने र बलात्कारको धम्की दिने काम भएकोमा उक्त कार्य निकै निन्दनीय, समस्यायुक्त र आपत्तीजनक छ भन्ने हाम्रो ठहर छ। हामी त्यस्ता कार्यको घोर विरोध गर्दै अधिकार प्राप्ति र न्यायमूलक समाज निर्माणका निम्ती आफ्नो आवाज अझ बुलन्द राख्न चाहन्छौं ।

महिला मार्चमा सहभागी अभियन्ताहरुमध्ये पनि सीमान्तकृत मधेशी समुदायका अभियन्ताहरु सपना सञ्जीवनी, पल्लवी पायल, मोहना अन्सारी र रीता साहले अहिले अनलाईनमा निकै घृणात्मक दुव्र्यबहार सामना गर्नु परेको डरलाग्दो अवस्था छ । एउटा नागरिकको हैसियतले आफूलाई लागेको कुरा बोल्न पाउनु, कथा, कविता, भाषण, सभा, समारोह मार्फत आफ्ना विचारहरु अभिव्यक्ति गर्न पाउनु सबैको समान अधिकार हो । झन् सदियौंदेखिको महिला र सीमान्तकृतहरु माथि थुपारिएको कुन्ठित र आक्रमक सामाजिक, साँस्कृतिक, धार्मिक, कानुनी मान्यता र विभेदहरुलाई समाप्त पार्नका लागि त यस्ता आवाजहरु अपरिहार्य नै हुन्छ । तर पुरातन मान्यतामा जकडिएर बसेका तत्वहरुलाई यस्ता प्रगतीशील आवाजहरु सह्य नहुने कुरा कहीं कतै लुकेको छैन । आफ्नो खाई पाइ आएको विशेषाधिकार र सदियौं देखिको आफ्नो वचर्स्व गुम्ने डरले त्यस्ता तत्वहरु आभद्र र आक्रामक प्रतिक्रियामा उत्रिन थाल्छन् । त्यसैको परिणाम नै अहिले निजहरु माथि भइरहेको अनलाईन दुर्व्यहार हो ।

यस्ता अनलाइन दुर्व्यहार र घृणात्मक सन्देशहरु फैलाउनु र अभियन्ताहरुलाई धम्की दिनु भनेको उनीहरुको व्यक्तिगत आवाज मात्र दबाउनु होइन कि बरु सम्पूर्ण महिला र सीमान्तकृत समूदायको आवाजमा बन्देज लगाउने र उनीहरुको अधिकार कटौती गर्ने कदम हो । यसर्थ यस्ता अतिवादी मान्यता र आवाजहरुलाई निस्तेज पार्न, महिला तथा सीमान्तकृतहरुको अधिकार सुनिश्चित गर्ने प्रयासमा सामेल भई सामाजिक न्यायपूर्ण समाज निर्माणमा सहभागी हुनका लागि हामी सम्पूर्ण नागरिक समाज, नागरिक, अभियन्ता र शुभचिन्तकहरुमा अपिल गर्दछौं ।

 

अन्तमा हामी यस ऐक्यबद्धता पत्रमा आफ्नो नाम या छद्यम् नाम सहितको हस्ताक्षर र ( उपयुक्त लागेमा) आफू आबद्ध संस्था या समुहको नाम सहित ऐक्यबद्धताका लागि आमन्त्रण गर्दछौं ।

 

 

भवदीय,

सपना सञ्जीवनी
मोहना अन्सारी
रीता शाह
हिमा बिष्ट
पल्लवी पायल
बडी एण्ड डाटा (Body & Data)

ABOUT

Established in 2017, Body & Data works to enhance understanding and access to information on digital rights among women, queer people and minority groups where they are able to exercise their rights in a safe and just digital space. We work towards the vision of accessible, safe and just digital space for all, through cross movement building, facilitation for access to information, knowledge building and dissemination on digital rights in the context of Nepal.

CONTACT US

Sundarbasti - 6,Suryabinayak Municipality,Bhaktapur

communication@bodyanddata.org

+977 9808580398, +977 9844296157

Follow Us

ABOUT

Established in 2017, Body & Data works to enhance understanding and access to information on digital rights among women, queer people and minority groups where they are able to exercise their rights in a safe and just digital space. We work towards the vision of accessible, safe and just digital space for all, through cross movement building, facilitation for access to information, knowledge building and dissemination on digital rights in the context of Nepal

Categories

Contact Us

Sundarbasti - 6,Suryabinayak Municipality,Bhaktapur

communication@bodyanddata.org

+977 9808580398, +977 9844296157

Follow Us

Body & Data is hosted by Vision for Change