बडी एण्ड डाटाबाट त्रैमासिक न्यूजलेटर
जनवरी देखि मार्च २०२३ सम्म  

२०२३ को पहिलो त्रैमासिक न्यूजलेटरमा स्वागत छ। हामीले यस वर्षको लागि हाम्रो न्यूजलेटरलाई नयाँ फोकस र डिजाइन गरेका छौं। नेपालको सन्दर्भमा डिजिटल अधिकारहरूको बारेमा समाचारहरु, हाम्रो काम र प्रकाशनहरूमा ध्यान केन्द्रित गरेका छौं।  कृपया यी परिवर्तनहरू यहालाई मनपर्छ वा हाम्रो लागि कुनै प्रतिक्रिया छ भने हामीलाई थाहा दिनुहोस् !

बडी एण्ड डाटाले जनवरी २०२१ देखि मिडियामा आएका विभिन्न विषय र डिजिटल अधिकारको अंतर्सम्बद्धताबारे अनुगमन गर्दै आएको छ। डिजिटल अधिकारको परिदृश्यलाई विश्लेषण गर्दै जानवरी देखि मार्चको अवधिमा, हामीले धेरै नै गोपनीयता र डाटा ब्रिचका अवस्थाहरु सुन्न पायौ जस्तै - यती एअरलाइन्सको पोखरामा विमान दुर्घटना घटे लगत्तै नागरिक उड्यन प्राधिकरणले सो विमानका मृतकहरूको व्यक्तिगत जानकारी सहितको लिस्ट जारी, इलामको एक नागरिकको आत्मदाह घटना पश्चात उनको पत्नीको बैंक अकाउन्टको विवरण र सहयोग स्वरुप आएको रकम सहितको बैलेन्सको स्क्रिनशट सामाजिक सञ्जालमा भाइरल, अदालतबाट लफुल इन्टरसेप्सन"को आदेश र यसले भविष्यमा सिमान्तकृत समुदायमाथि निम्त्याउने जोखिमहरु इत्यादी | थप रूपमा, आफ्नो डोमेनमा डिजिटल सुरक्षाको आन्तरिक अभावलाई बेवास्ता गर्दै नेपाललाई डिजिटल र डिजिटल गर्ने नेपाल सरकारको योजनालाई मात्र अघि सर्दा सरकारको सर्भरमा साइबर हमला भएको र त्यसले गर्दा करिब ४०० साइटहरु पाँच घण्टासम्म डाउन भएको थियो | त्यसैगरी, क्लिकबेट नामहरु राखेर मालवेर लिंकको प्रयोग गरेर डिजिटल ठगी र डाटा चोरी भएको धेरै केसहरु धेरैमा सुन्यौँ | पहिलो नजरमा त्यस्ता केसहरू प्रत्यक्ष रूपमा डिजिटल ठगीसँग जोडिएको हुन सक्छ तर वास्तवमा ति महिला र सीमान्तकृत समुदाय विरुद्धका अनलाइन हिंसाका घटनाहरू हुन् जहाँ क्लिकबेट लिङ्कको भेषमा महिलाहरूको यौनिकता, एजेन्सी र गोपनीयतामाथि प्रश्न उठाउँछन्।

यस अवधिमा आएका एक तिन वटा टप समाचारहरुको लिंक यता:

१. दुर्घटनामा बितेका मृतकको परिवारको प्रश्न: वियोग र व्यक्तिगत जानकारी सार्वजनिक नगर्दा हुँदैन?
२. पुँजीवादको नवीनतम संस्करण : निगरानी पुँजीवाद
३. जथाभावी सिम वितरणले अनाहकमा हैरानी : गम्भीर अपराधमा जोडिंदै असम्बन्धित व्यक्ति

#DataPrivacyWeek को अवसरमा, हामीले नेपालीमा अनुवादित इन्टरनेटका फेमिनिस्ट सिद्धान्तहरूलाई सामाजिक संजाल मार्फत साझा गर्यौं। हामीले #SaferInternetDay2023 आफ्नो इन्टरनेट र प्राविधि सम्बन्धि व्यवहारहरु, आवश्यकताहरू, डिजिटल उपस्थितिको मुल्यांकन गर्दै, हाम्रो अनलाइन जीवनको बारेमा कुराकानीहरू गर्यौं, र सो दिवसको अवसरमा एक वक्तव्य जारी गरेर मनायौं।

मार्चमा, हामीले "लिङ्ग, समाज र प्रविधि: लैङ्गिक दृष्टिकोणबाट एक विश्लेषण" कार्यक्रम आयोजना गर्‍यौं, जसमा कविता बाहिंगले संचालित गर्नुभएको थियो। कार्यक्रमका वक्ताहरु दिक्क्षा खड्गी, रीता बरामु र सरिता लामिछाने प्यानलमा बोल्नुभएको थियो। विशेष गरि पहुँच, डाटाको गोपनीयता, अन्तरसम्बन्धको दृष्टिकोण, जातीय र लैङ्गिक भेदभावमा छलफल भएको थियो र फेमिनिस्ट इन्टरनेटको सिद्धान्तमा आधारित कुराकानी भएको थियो । कार्यक्रमको अन्त्यमा विशेष वक्ता रुक्शाना कपाली र आभा क्षेत्रीले डिजिटल आन्दोलनमा क्वेयर अधिकार र यौनकर्मीको अधिकारको वकालतको सम्बन्धको बारेमा प्रकाश पार्नुभयो।

लैंगिकता, यौनिकता र अपाङ्गताको अन्तरसम्बन्धमा इन्टरनेट मार्फत सफालको अनुभव र वकालत प्रयासहरूको बारेमा पढ्नुहोस्।

अभिव्यक्ति स्वतन्त्रताको दृष्टिकोणबाट मस्कको ट्विटर खरिदको बारेमा अलिशाको लेख पढ्नुहोस्, जसमा उहाले कन्टेन्ट मोदरेसन र सिमान्तिकृत वर्गहरुमा यसको प्रभावको बारेमा लेख्नुभएको छ।

Established in 2017, Body & Data works to enhance understanding and access to information on digital rights among women, queer people and minority groups where they are able to exercise their rights in a safe and just digital space. We work towards the vision of accessible, safe and just digital space for all, through cross movement building, facilitation for access to information, knowledge building and dissemination on digital rights in the context of Nepal