वकालत तथा अभियान
महिला तथा क्वेयर व्यक्तिका अधिकारको अभियानलाई अगाडी बढाउन इन्टरनेटमा पनि आवाज उठाउन, मुद्दाहरुलाई अगाडी ल्याउन र इन्टरनेटमा अभियान चलाउन आवश्यक छ। सीमान्तकृत समुदायलाई प्रभावित गर्ने अभिव्यक्ति स्वतन्त्रता, गोपनीयता, सेन्सरसिप, निगरानी, यसका बारेमा मुद्धाहरु र नीतिहरुलाई इन्टरनेटमा थप बिस्तार रूपमा छलफल अगाडी बढाउन जरुरि छ । हामी अनलाइन अभियानका माध्यमबाट सार्वजनिक अभियान वकालत गर्नुका साथै डिजिटल अधिकार अधिकारको स्पेस र फेमिनिस्ट स्पेसका अन्तर्सम्बन्धमा काम पनि गर्छौँ । यसबाहेक वकालत तथा अभियानकै अन्तर्गत हामी आफूले उत्पादन गरेका ज्ञान र श्रोतसाधनहरु प्रसार पनि गर्छौँ ।
सामाजिक सञ्जाल विधेयक (SNB)
बिल्लाथन
SNB Billathon एक सहयोगी र सहभागितामूलक प्रक्रिया हो जसले महिला, क्वयेर व्यक्तिहरू, युवाहरू, पत्रकारहरू, वकिलहरू, अनुसन्धानकर्ताहरू, सामग्री सिर्जनाकर्ताहरू, अपाङ्गता भएका व्यक्तिहरू, र आदिवासी, मधेशी र अन्य सीमान्तकृत समुदायका मानिसहरूलाई सामाजिक सञ्जाल विधेयक (SNB) को मस्यौदामा आलोचनात्मक रूपमा संलग्न गराउन एकसाथ ल्यायो। Billathon ले प्रस्तावित कानूनको नारीवादी मानव अधिकार विश्लेषणको लागि एक ठाउँ सिर्जना गर्यो, जुन प्रत्यक्ष अनुभवहरू र सामूहिक प्रतिबिम्बलाई केन्द्रित गर्दछ।
लैङ्गिक हिंसा विरुद्धको १६ दिने अभियान
लैङ्गिक हिंसा विरुद्धको १६ दिवसको गतिविधिको समयमा बडी एण्ड डेटा सधैं एकतामा उभिन्छन्। यस अवधिमा, हामी इन्टरनेटमा महिलाहरूको डिजिटल अधिकार र सुरक्षासँगै साइबर अपराधको लागि इन्टरनेटलाई दोष दिने मिथक र कथाहरूलाई निरन्तर खण्डन गरिरहेका छौं।
नेपालमा चुनाव: मतदाताहरूको
गोपनीयताको चिन्ता
नेपालको दोस्रो आम चुनावको समयमा, मतदाताहरूको डेटा सजिलै पहुँचयोग्य भयो, जसले व्यक्तिगत जानकारीमा गम्भीर जोखिम निम्त्यायो। बडी एण्ड डाटाले जागरूकता जगायो र निर्वाचन आयोगलाई डेटा हटाउन आग्रह गर्यो।
गण्डकी रेडियो अभियान
“इन्टरनेटमा हाम्रो अनुभव” कार्यक्रम बडी एण्ड डाटा र कम्युनिटी रेडियो मर्स्याङ्दी ९५ मेगाहर्जको सहकार्यमा निर्माण गरिएको हो। यो कार्यक्रमको उद्देश्य इन्टरनेटमा मानव अधिकारको बारेमा जागरूकता जगाउनु हो।
इन्टरनेट स्वतन्त्रता संवाद
इन्टरनेट स्वतन्त्रता संवाद (आईएसएस) बडी एन्ड डेटाले सन् २०२१ मा सुरु गरेको मासिक कार्यक्रम हो । यस कार्यक्रमको उद्देश्य नेपालमा डिजिटल अधिकारका साथै यसका विभिन्न अन्तर्सम्बन्धको बारे छलफल गर्नु रहेको छ । इन्टरनेट स्वतन्त्रता संवादका पछिल्ला संवाद यहाँ फेला पार्नुस् ।
गोपनियताको गफ अभियान
#PoliticallyPrivate “#GopaniyataKoGuff” (#गोपनियताकोगफ) नेपाली सन्दर्भमा गोपनीयता र डेटासम्बन्धी कुराकानी तथा छलफल चलाइरहने एक अभियान हो । हामीले डिजिटल अधिकारको बृहत्त रूपमा गोपनीयताबारे विभिन्न सीमान्तकृत समुदाय र तिनका अन्तर्समूहसँग चर्चा गर्यौँ । कमिक्स, भिडियो, परामर्शलगायतका माध्यमबाट हामीले नेपालमा डिजिटल गोपनीयता प्रतिको धारणा व्यापक बनाउन चाहन्छौँ ।
अनलाइन हिंसाविरुद्ध अभियान
महामारीका साथै नेपालमा अनलाइन हिंसाका मुद्दाको संख्यामा निकै बृद्धि भएको पाइयो । यही वरपर रहेका मुद्दालाई अगाडी ल्याउन हामीले अनलाइन हिंसाविरुद्ध अभियान सुरु गर्यौँ । यसअन्तर्गत हामीले जुन महिनामा तीन हप्ता लामो ‘अनलाइन लैंगिक तथा यौनिक हिंसाको बुझाइ र प्रतिरोध’ नामक साप्ताहिक वेबिनार आयोजना गर्यौँ । यसमा ‘अनलाइन यौनिक हिंसा तथा यसका प्रभाव’, ‘अनलाइन महिलाद्वेष तथा यसका प्रभाव’ र ‘अनलाइन यौनिक हिंसा प्रतिरोध– उपाय र उपकरण’ जस्ता विषय समाविष्ट थिए ।
यस अभियानमा हामीले लिंग आधारित हिंसाबारे विभिन्न मिडियाले रिपोर्ट गरेका मुद्दाहरुको म्यापिङ गर्यौँ, आफुलाई अनलाइन माध्यममा आक्रमणबाट कसरी जोगाउने, यस्ता आक्रमण भएका खण्डमा कसरी बच्ने भन्ने विषयका संसाधनहरुलाई साझा गर्यौँ । हामीले नेपालमा अनलाइन हिंसाका कानुन र यसका सीमासम्बन्धी साथै सामाजिक सञ्जालमा हिँसालाई रिपोर्टिङ गर्ने विधिबारे संसाधन पनि साझा गर्यौँ ।