बडी एण्ड डाटाबाट त्रैमासिक न्यूजलेटर
जुलाई देखि सेप्तेम्बेर २०२३ सम्म

हाम्रो न्यूजलेटर "बडी एण्ड डाटा बाइट्स बुलेटिन" को जुलाई देखि सेप्टेम्बर २०२३ सम्मको पछिल्लो संस्करणमा स्वागत छ! गत त्रैमासिकमा नेपालको डिजिटल अधिकारको विश्लेषण गर्न हामीसंग आउनुहोस्। विविध अभियान र अभियान्ताहरूसंग मिलेर गरेको तालिमहरु, र हाम्रो भर्खर प्रकाशित भएका प्रकाशनहरूसँग यस न्युजलेटरमा राखेका छौँ। यो न्यूजलेटरले अहिले भइरहेको डिजिटल क्षेत्रका जानकारी पाउन, र सशक्त रहन सक्ने एउटा साधनको रूपमा काम गर्दछ। सुरु गरौं है त! 🚀🔐

हामीले राष्ट्रिय परिचयपत्र र यसका गोपनीयता सम्बन्धी कमजोरीहरु बारे विभिन्न सम्मेलन र सञ्चारमाध्यमहरू मार्फत कुराकानी र प्रशारण गर्दैछौं।

पछिल्लो त्रैमासिकको हाम्रो मिडिया अनुगमनले नेशनल गेटवे जस्ता मुद्दाहरूको वकालत गर्ने साइबर सुरक्षा नीतिलाई नेपाल सरकारले अगाडी लागिरहेको देखिन्छ। यो विधेयकले सेन्सरशिप र निगरानीको बढ्दो खतरा प्रस्तुत गर्दछ। साथसाथै, विभिन्न सरकारी निकायहरूबाट डेटा निगरानीका नीतिहरू, कल विवरणहरू, एसएमएस जानकारी, र सरकार-नियन्त्रित गर्भावस्था-सम्बन्धित मामिलाहरूमा नयाँ अभिवावकलाई जानकारी दिने एप्सहरू आइरहेको देखिन्छ । यसले व्यापक रूपमा डेटा सङ्कलन, डेटाको गोपनियताको उलंघन र निगरानीलाई बिस्तार गरेको देखिन्छ । यी नीतिहरूले महिला र सीमान्तकृत समुदायहरूलाई असमान प्रभाव पार्छ, उनीहरूको स्वायत्तता र गोपनीयतालाई खतरामा पार्छ। पारदर्शीता, जवाफदेहीता र जनचेतनाको साथसाथै नीति निर्माणका लागि गैर-सरकारी निकायहरुलाई समावेश गर्नु, जनताको डिजिटल अधिकारलाई सुनिश्चित गर्न महत्वपूर्ण कदम हो।

पछिल्लो त्रैमासिकको मुख्य कामहरुमध्ये एउटा हाम्रो कथाका कुरा: डिजिटल रेसिस्टेन्सका कथाहरु थियो । यसमा हामीले १४ अविश्वसनीय कथाकारहरूसँग एक सुरक्षित र रमाइलो ठाउँ सह-सिर्जना गर्न पायौं। कसरी प्रविधि र इन्टरनेटले हाम्रो अभियान, जीवन र हामी को हौं भन्ने भावनालाई आकार दिन्छ भन्ने बारे सिक्यौं, र डिजिटल प्रतिरोधका कथाहरू सुन्यौं।

नेपालमा निर्वाचन सम्बन्धि आउन लागेको नीतिलाई सम्बोधन गर्दै, हामीले निर्वाचनको समयमा मतदाताको गोपनीयताको लागि हाम्रो अभियानलाई अगाढी बढायौं । तपाईंको गोपनीयता सबैभन्दा ठुलो प्राथमिकता हो। लोकतान्त्रिक प्रक्रियामा डाटा सुरक्षाको महत्त्वलाई सुदृढ पार्ने प्रयास थियो । हाम्रो वकालतको काममा अर्को कोसेढुङ्गा गण्डकी प्रदेशका सामुदायिक रेडियोहरू, "इन्टरनेटमा हाम्रा अनुभवहरू" मार्फत थियो । यस रेडियो कार्यक्रम अब सबैका लागि अनलाइन उपलब्ध छ!

"डिजिटल अधिकार सम्बन्धि कार्यशाला र छलफल मिटिंग" मा गण्डकी प्रदेशका विभिन्न सरोकारवालाहरू; दलित अधिकारकर्मी, अपाङ्गता अधिकारकर्मी, क्वियर अभियान्ता, महिला तथा युवा अभियान्ता, पत्रकार र वकिलहरू डिजिटल अधिकारको अवस्थाबारे अन्तरक्रिया गर्न भेला भएका थिए। गण्डकी प्रदेशमा थप गहन काम गर्नको लागि यो शुरुवाती काम थियो !

हामीले सोसल साइन्स बहाले आयोजना गरेको बाह्रौं वार्षिक काठमाडौं सम्मेलन, "नेपाल र हिमालय" मा राष्ट्रिय परिचयपत्र र सीमान्तकृत व्यक्तिहरूको गोपनीयतासम्बन्धी अधिकारको बारेमा हाम्रो चलिरहेको हाम्रा अनुसन्धान पनि साझा गर्यौं। फेमिनिस्ट परिप्रेक्ष्यबाट डिजिटल अधिकारलाई हेर्दा यी मुद्दाहरूले सीमान्तकृत व्यक्तिहरूलाई कसरी असमान रूपमा असर गर्न सक्छ, र डिजिटल क्षेत्रका चुनौतीहरूलाई बुझ्न सक्किन्छ।

"वेबसाइटमा मतदाताका व्यक्तिगत विवरण सार्वजनिक गर्दा गोपनीयताको हक उल्लंघन भएको छ" - शुभ कायस्थको लेख " किन सार्वजनिक गरियो मतदाताको विवरण ?" पढ़नुहोस्

"स्कूलहरुले विद्यार्थीहरुको निगरानी गर्नु आफैमा निन्दाको विषय त हो नै, यसले क्वेयर, ट्रान्स र लैंगिक पहिचान नखुलेका यूवाहरुलाई अरुको तुलनामा धेरै हानी पनि गर्छ। " प्रसको लेख "स्कूलहरुमा ‘अलोसिसहेट’ दृष्टि- एक डिजिटल दृष्टिकोण" पढ़नुहोस्

"गर्व यात्रा महत्त्वपूर्ण छ, तर यो उत्सवमा हाम्रो गोपनीयता, अभिव्यक्ति, अनुभव र शरीरहरू पनि उत्तिकै महत्वपुर्ण छ, र यो केवल एकल कथा होइन।" नेहा गौचनको लेख "गर्व यात्राको कुनै एकल कथा छैन" पढ्नुहोस्।

त्यसोभए,अहिलेको लागि यति नै हो! अभियान, कथा-कथन, वकालत, र केही कानुनी समिक्षालाई समावेश गरेमा सुरक्षित डिजिटल संसारको सिर्जना हुन्छ। डिजिटल अधिकारको यात्रामा हामीसंग रहीरहनु होला!  🚀🌐

Established in 2017, Body & Data works to enhance understanding and access to information on digital rights among women, queer people and minority groups where they are able to exercise their rights in a safe and just digital space. We work towards the vision of accessible, safe and just digital space for all, through cross movement building, facilitation for access to information, knowledge building and dissemination on digital rights in the context of Nepal